Mellom høge fjell, i hjarta av Hardanger ligg Aga Sideri idyllisk til. I det best tenkelege klima for fruktdyrking vert epletrea dulla og stelt fint med heile året. Epla vert varsamt plukka og frakta til gards. Her får dei seg ein vask før dei vert rive i filler og most til jusen sprutar. Desse edle dråpane tek me vare på, og med litt tid, litt magi og litt hardt arbeid sitt me att med noko heilt fantastisk; Aga sider.
SIDERUTVALGET
LAGMANN SIDER
7% - 75CL / 33CL Sødme: Medium For kring 800 år sidan budde det ein staut og mektig kar på stormannsgarden Aga. Namnet hans var Sigurd Brynjulfsson. Han var riddar, riksråd og Gulatingslagmann. Og etter han har sideren fått namnet 'lagmann sider'. For sjølv om Sigurd vart funnen hovudlaus i fjorden i 1303, var han før dette ein kløktig mann med eit godt hovud! Fruktig og lett perlande, passar bra til skalldyr, fisk, kylling og syrlege grønnsaksrettar. Aller best når den vert servert kald på ein varm sommardag. Kven veit, kanskje var det akkurat slik Sigurd lagmann likte sideren sin og? |
HUMLEPUNG
7% - 75CL / 33CL Sødme: Medium Joar Aga (f. 1988) er mannen bak Aga sideri. Han vaks opp på Aga i Hardanger, mellom fjell og fjord, eldgamle kulturminner og store fruktgardar. Han har også budd mange år i Bergen, og treivst godt i det urbane, hippe bylivet. Då Joar og familien skulle overta gard på Aga, var det med ønske om å halde gamle tradisjonar i hevd, samstundes som dei hadde med seg nye idéar og impulsar. Slik har sideren Humlepung vorte til. Humlepung er ein tradisjonell Hardangersider, tilført humle. Gamle tradisjonar møter nye impulsar. |
BØDDEL
9,5% - 75CL Sødme: Tørr Samson Isberg (1795-1873) vaks opp på garden Isberg, like sør for Aga. Han søkte seg tidlig vekk frå sin far og stemor, og slutta seg til militæret i Bergen. I 1834 fekk han arbeid som bøddel. Han var noregs nest siste bøddel, og den fyrste som hadde heile landet som sitt embetsområde. Trass dyster yrkestittel, var Samson skildra som ein godhjarta og folkeleg mann. Etter femten henrettingar, gjekk Samson av med pensjon. Då det nærma seg slutten på livet, sa han «det blir tungt å møte dem igjen på den andre siden, de mennesker som jeg har skilt med livet». |
For mer informasjon om Agar Sideri kan du besøke produsentens hjemmeside, Hanens presentasjon av produsenten eller turistkontorets informasjonsside.